BRIG O BALGOWNIE
Brig o Balgownie, stoot's thy waa
The shaddas o heich trees doonfaa
Onno the wrunkled watter's broo
Roon banks lulled bi the Don's balloo.
Abeen its archwye, cauld an black
It cairries cobbles ower its back
Far traivellers dauchle, watchin dyeuks
In convoy sail fur shady neuks.
Snaadrifts o clouds slide saft thegither
In archetypal simmer weather
Far Don tynes its identity
In the braid quicksans o the sea.
Sheena Blackhall
[To view the image in more detail, please click on its thumbnail.]